Суғурта пули миқдори нима учун оширилиши керак?

ТВЕФЖМСҚда суғурта суммаси ҳозирги кунда зарарларни тўлиқ қоплай оладими?” мавзусида Сирдарё вилоятининг Гулистон шаҳрида семинар бўлиб ўтди. Семинарда суғурта бозорида оммабоп ҳисобланган ТВЕФЖМСҚ шартномалари сони 5 млн дан ортгани, бугунги кунда йўл-транспорт ҳодисаси натижасида жабрланган фуқароларга тўланадиган суғурта пули миқдори 40 млн сўмни ташкил этгани таъкидланди. Бу эса ўз навбатида Марказий Осиё ва МДҲ мамлакатларига нисбатан энг паст кўрсаткичлардан ҳисобланади. Бугунги кунда бозор иқтисодиёти ва автомобилларнинг сони инобатга олинса йўл транспорт ҳодисалари кўпайиши ҳамда шикастланган транспорт воситаларини таъмирлаш учун иш ҳақи ва эҳтиёт қисмлари нархи кескин ошган. Амалдаги суғурта пули эса ўзини оқламаяпти.